ആൺകുട്ടികകൾ മൂത്രമൊഴിക്കുന്ന ചിത്രങ്ങൾ പകർത്തിയ ചൈല്‍ഡ് സൈക്യാട്രിസ്റ്റിന് തടവുശിക്ഷ.

0
682

പെർത്ത് : ആണ്‍കുട്ടികളുടെ നഗ്നചിത്രങ്ങള്‍ പകര്‍ത്തിയ പെര്‍ത്തിലെ മുന്‍ ചൈല്‍ഡ് സൈക്യാട്രിസ്റ്റിന് തടവുശിക്ഷ. മലേഷ്യന്‍ പൗരനായ ആരോന്‍ സ്വെന്‍ യാങ് വൂണാണ് കുറ്റക്കാരനെന്നു കണ്ടെത്തിയത്. പൊതു ശൗചാലയങ്ങളില്‍ ആണ്‍കുട്ടികള്‍ മൂത്രമൊഴിക്കുന്നതിന്റെ ദൃശ്യങ്ങളാണ് ഇയാള്‍ പകര്‍ത്തിയിരുന്നത്. 13 വയസില്‍ താഴെ പ്രായമുള്ള ആണ്‍കുട്ടികള്‍ പെര്‍ത്തിലെ മൂത്രപ്പുരയില്‍ മൂത്രമൊഴിക്കുന്നതിന്റെ ദൃശ്യങ്ങള്‍ ഇയാളില്‍നിന്ന് കണ്ടെത്തിയിട്ടുണ്ട്. ന്യൂസിലാന്‍ഡിലെ ക്വീന്‍സ്്ടൗണ്‍, കാനഡയിലെ വെസ്റ്റ് എഡ്‌മോണ്ടന്‍, യുഎസിലെ സാന്‍ ഫ്രാന്‍സിസ്‌കോ എന്നിവിടങ്ങളില്‍നിന്നും ഇയാള്‍ ഇതേ ദൃശ്യങ്ങള്‍ പകര്‍ത്തിയിട്ടുണ്ട്.

കാനഡയിലെ എഡ്‌മൊണ്ടനിലെ ഷോപ്പിംഗ് മാളില്‍ ദൃശ്യങ്ങള്‍ പകര്‍ത്തുന്നതിനിടെയാണ് ഇയാള്‍ പിടിയിലാവുന്നത്. ഇേതാടെ ഇയാള്‍ സാമൂഹിക മാധ്യമങ്ങളില്‍ ശ്രദ്ധേയനായി. വൂണിന്റെ മൊബൈല്‍ഫോണില്‍ തന്റെ മകന്റെ ലൈംഗികാവയവങ്ങളുടെയും അവന്‍ മൂത്രമൊഴിക്കുന്നതിന്റെയും വീഡിയോ കണ്ട ഒരു പിതാവ് ക്രൂദ്ധനായി. കഴിഞ്ഞ ജനുവരിയില്‍ ഗാര്‍ഡന്‍ സിറ്റി ഷോപ്പിംഗ് സിറ്റിയിലെ ഹോയ്റ്റ്‌സ് സിനിമാ ടോയ്‌ലറ്റില്‍ മൂത്രമൊഴിച്ച എട്ട് ആണ്‍കുട്ടികളുടെ ചിത്രങ്ങള്‍ രഹസ്യമായി ഇയാള്‍ ചിത്രീകരിക്കുകയായിരുന്നു.

മൗണ്ട് പ്ലെസന്റിലെ മൂണിന്റെ വസതിയിലും കോക്‌ബേണ്‍ സെന്‍ട്രലിലെ ക്ലിനിക്കിലും പോലീസ് പരിശോധന നടത്തി. ഇവിടെനിന്നും ലഭിച്ച ഇലക്ട്രോണിക് ഉപകരണങ്ങളില്‍നിന്ന് 12 അശ്ലീല വീഡിയോകളും 409 ചിത്രങ്ങളും കണ്ടെടുത്തു. കുട്ടികള്‍ക്കായുള്ള മാനസികാരോഗ്യ വിദഗ്ധനായ ഇയാളും മാനസിക വൈകല്യമുള്ളയാളാണെന്ന് കോടതിയില്‍ അറിയിച്ചു. ഇതാണ് ആണ്‍കുട്ടികള്‍ മൂത്രമൊഴിക്കുന്നതിന്റെ ദൃശ്യങ്ങള്‍ പകര്‍ത്താന്‍ കാരണമെന്ന് അഭിഭാഷകന്‍ കോടതിയെ ബോധിപ്പിച്ചു. കുറ്റക്കാരനെന്നു കണ്ടെത്തിയ പ്രതിക്ക് കോടതി 18 മാസം തടവും ജോലിയില്‍നിന്ന 18 മാസം സസ്‌പെന്‍ഷനും വിധിച്ചിട്ടുണ്ട്. ഇയാള്‍ ഇപ്പോള്‍ രജിസ്‌ട്രേഡ് മെഡിക്കല്‍ പ്രാക്ടീഷണറല്ല.

NO COMMENTS

LEAVE A REPLY