ഗൗരവതരമായ കലാപ്രവർത്തനം ലക്ഷ്യമാക്കി സിഡ്‌നിയിൽ ആർട്ട് കളക്റ്റീവിന് തുടക്കംകുറിച്ചു.

0
656

സന്തോഷ് ജോസഫ്

സിഡ്‌നി :ഗൗരവതരമായ കലാ പ്രവർത്തനങ്ങൾ ലക്ഷ്യം വെക്കുന്ന മലയാളി കലാ സംഘമായ ആർട്ട് കളക്ടീവ് പ്രവർത്തനം ആരംഭിച്ചു. സിഡ്‌നിയിൽ നടന്ന ആക്ടിങ്ങ് തീയേറ്റര്‍ വർക്ക് ഷോപ്പിന്റെ ഭാഗമായി നടന്ന ഉദ്ഘാടന ചടങ്ങിൽ പ്രശസ്ത സിനിമാ നടനും , സംവിധായകനും , രചയിതാവുമായ പി.ബാലചന്ദ്രൻ സംഘടനയുടെ ഉദ്ഘാടനം നിർവ്വഹിച്ചു. രണ്ട് ദിവസമായി നടന്ന് വന്ന അഭിനയക്കളരിയിൽ ആസ്ട്രേലിയയിലെ വിവിധഭാഗങ്ങളിൽ നിന്നായി 30 പേർ പങ്കെടുത്തു. ഉദ്ഘാടന ചടങ്ങിനോടനുബന്ധിച്ച് നടന്ന ഗസൽ സന്ധ്യയിൽ ധൻസി ,സനീർ ,സൂരജ് കുമാർ,വിമൽ വിനോദ് എന്നിവർ ഗസലുകൾ ആലപിച്ചു. മനോജ് കുമാർ തബല, സുരേഷ് കുട്ടിച്ചൻ കീ ബോർഡ് വായിച്ചു.

ഉദ്ഘാടന ചടങ്ങിൽ സിഡ്‌നി മലയാളി അസോസിയേഷൻ പ്രസിഡണ്ട് ബാബു വർഗീസ് , ആർട്ട് കളക്ടീവ് പ്രസിഡണ്ട് കെ.പി.ജോസ്, ബാബു സെബാസ്റ്റിയൻ, സെക്രട്ടറി സന്തോഷ് ജോസഫ് , ട്രഷറർ റോയ് വർഗീസ്, മറ്റ് കമ്മറ്റി അംഗങ്ങള്‍ പങ്കെടുത്തു. കേരളനാദം ചിഫ് എഡിറ്റർ ജേക്കബ് തോമസ് വിശിഷ്ടാതിഥിയായിരുന്ന പി.ബാലചന്ദ്രനുള്ള ഉപഹാരം കൈമാറി.

NO COMMENTS

LEAVE A REPLY